Barcelona ka arritur marrëveshje me trajnerin Hansi Flick për vazhdimin e kontratës.

Këtë e ka bërë të ditur eksperti i transferimeve, Fabrizio Romano, përmes një postimi në rrjetin social Instagram, shkruan Arbresh.info.

Ai gjithashtu ka thënë se zyrtariazimi do të bëhet pasi Barcelona ta sigurojë titullin e La Ligas edhe matematikisht.

Aktualisht 60-vjeçari ka një kontratë që e mban të lidhur me klubin deri në vitin 2026 dhe pritet ta rinovojë edhe për një vit tjetër.

Barcelona mund të shpallet kampion ditën e enjte nëse arrin të marrë rezultat pozitiv ndaj Espanyolit në udhëtim.

Nën drejtimin e Flickut, Barcelona triumfoi në Superkupën dhe Kupën e Spanjës, është në rrugë të mirë për ta fituar edhe La Ligan si dhe arriti në gjysmëfinale të Ligës së Kampionëve.

Puna e Flickut është vlerësuar jashtëzakonisht shumë sikurse nga presidenti Laporta ashtu edhe nga drejtori sportiv, Deco.

Gjermani e ka drejtuar gjigantin katalunas në 57 ndeshje. Ka 42 fitore, shtatë barazime dhe tetë humbje.

Flick më herët ka drejtuar skuadrën e Bayern Munichut ku sukseset nuk i kanë munguar, dhe gjithashtu ka qenë selektor i Gjermanisë.

 

View this post on Instagram

 

A post shared by Fabrizio Romano (@fabriziorom)